Од МВР демантираат дека за новите полицајци кои ја завршиле обуката, од генерацијата 2017/2018 година нема униформи и соодветна опрема за да започнат со работа
„Почитувани кандидати за полицајци од генерацијата 2017/18 година, Ве известуваме дека од 1 јуни 2018 година ќе започне вашиот професионален ангажман во Министерството за внатрешни работи како приправници. За таа цел веќе се обезбедени новите полициски униформи. Апелираме да не подлегнувате на невешти обиди за манипулација поттикнати од нечии лични интереси“ – стои во соопштението на МВР.
Кандидатите ќе започнат со работа на 1.јуни годинава, по успешно завршената обука.