Претседателот на Европската комисија, Урсула Фон дер Лајен, денес изјави дека Европската унија обезбеди дополнителни 300 милиони дози од вакцината Фазјер – Бионтек, и со тоа двојно се зголеми бројот на оваа вакцина наменета за ЕУ и нејзините соседи.
Фон дер Лајен на прес-конференција во Брисел објави дека 75 милиони дози од оваа вакцина ќе бидат доставени до крајот на вториот квартал на 2021 година, а остатокот во втората половина на оваа година.
“Неодамна ја одобривме вакцината Модерна. Со двете овластени вакцини, имаме доволно дози за 380 милиони граѓани, што е околу 80 проценти од популацијата”, рече фон дер Лајен.
Таа изјави дека ЕУ, со договори склучени со шест фармацевтски компании, во моментов има 2,3 милијарди дози нарачани вакцини и потенцираше дека тоа е доволно за ЕУ, но и за нејзините соседи.
„Ќе бидеме безбедни само кога сите во ЕУ и соседството ќе имаат пристап до вакцини“, заклучи претседателот на Европската комисија.