Времето денеска ќе биде променливо облачно и нестабилно со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен пороен дожд, чести електрични празнења, силен ветер и услови за појава на град. УВ=7
Утринската температура ќе се движи од 14 до 20 степени, а дневната од 20 до максимални 35 степени.
Во Скопје слично време со максимална дневна температура до 30 степени.
Ваквото време ќе продолжи и во текот на утрешниот ден. Според метеоролозите стабилизација се очекува од среда кога времето ќе биде сончево со мала локална облачност, а вдолж Повардарието повремено засилен ветер од северен правец.