Од минута во минута сè повеќе и повеќе средношколци се собираат пред зградата на Владата, откако денеска во повеќето скопски училишта беше бојкотирана наставата во знак на револт поради загадувањето на воздухот, во пресрет на денешниот голем протест против загадувањето. Oд таму учениците се упатија кон Собранието.
Средношколците со заштитни маски и транспаренти прво излегоа во училишните дворови со пораки за „Чист воздух“ и порачаа „Сакаме чист воздух!“ и „Зелено Скопје“.
