Социјалдемократскиот сојуз на Македонија денеска информира дека до Централната изборна комисија, кандидатура за претседател на партијата поднел и Властимир Алексовски.
Властимир Алексовски е член и активист на СДСМ од општинската организација на партијата од Куманово. По анализирање на поднесената документација и утврдување дали апликацијата на Алексовски е согласно правилникот и дали ги исполнува пропишаните услови, Централната изборна комисија ќе соопшти дали ја верификувала апликацијата, велат од партијата.
Досега официјални кандидатури поднесоа поранешната потпретседателка на партијата, Фросина Ременски и актуелниот заменик-министер за финансии, Димитар Ковачевски.
Можни кандидатури најавија и поранешниот директор на УБК, Миле Зечевиќ и актуелниот директор на ТИРЗ, Јован Деспотовски.
Рокот за поднесување кандидатури истекува утре во 16 часот.