Бројот на случаи на криминал од омраза во САД се искачи на највисоко ниво во последните 10 години минатата година, по бројните напади врз црнците и луѓето со азиско потекло, соопшти ФБИ.
Податоците од 2020 година, кои ФБИ ги доби од 15.000 агенции за безбедност на национално ниво (за агенции се сметаат полициски управи, канцеларии на шериф, патроли и федерални агенции), покажуваат дека минатата година имало 7.759 криминал од омраза, што е за шест проценти повеќе во споредба со 2019 година и воедно најголем број од 2008 година.
Податоците на ФБИ покажуваат дека бројот на прекршувања насочени против црнците скокнал од 1.930 на 2.755, а инцидентите против луѓе со азиско потекло се зголемиле на 274 од 158.
Американското Министерство за правда предупреди дека белите супрематисти претставуваат зголемена закана по немирите во Капитол на 6 јануари, кога приврзаниците на поранешниот претседател Доналд Трамп се обидоа да влезат во зградата на Конгресот.