Не може децата да не одат на училиште, но мора да имаме подготвени превентивни протоколи по кои ќе функционираат училиштата, рече синоќа министерот за здравство Венко Филипче во емисија на Канал 5 телевизија. Тој вели дека во следните недела до две ќе се знае дали од септември ќе почнат со работа градинките и училиштата. Веројатноста е голема, но да се усогласат сите протоколи, вели министерот за здравство.
„Некои од принципите се помали групи, повеќе смени и пократко траење на часовите. Што пократко време во затворен простор и носење маски“, рече Филипче.