(Фото)Жозе Мурињо официјално претставен како нов тренер на Тотенхем

Жозе Мурињо одново ја врати насмевката на своето лице. По подолго време ја исполни желбата да се врати на тренерскиот занает и во наредните неколку години ќе биде дел од Премиер лигата.

Негова нова средина ќе биде екипата на Тотенхем која го доведе како замена за Маурицио Почетино. Последен пат Португалецот беше дел од фудбалската игра пред една година, кога стоеше на кормилото на Манчестер Јунајтед. Во декември заработи отказ, а од тој ден работи како фудбалски аналитичар на светските телевизии.

Денес 56-годишникот беше претставен во Лондон и првпат позираше со дресот на новата екипа.