Двајцата претседатели, Владимир Путин и Ѓорѓе Иванов денес остварија средба во Кремљ, откако вчера на Македонскиот претседател му беше врачена наградата на Фондацијата за обединување на Православните христијански нации
„Знам дека во Русија сте по специјален повод. Тука сте да ја примите наградата од Фондацијата за обединување на православните христијански нации. Денес е специјален ден за Русија исто така – Денот на словенската писменост, и словенската азбука, а писменоста ни дојде на сите нас од Македонската земја. Би сакал да започнам со честитки по повод оваа награда“. – изјавил Путин
Тој додава дека и двајцата се свесни дека токму овој факт ја илустрира врската која ги обединува двата народи. Освен ова, Путин изразил задоволство за продлабочувањето на врските помеѓу народите и државите.