Силен земјотрес го погоди целиот регион на Западен Балкан утринава околу 04.00 часот, а истиот беше почувствуван во Грција, Црна Гора, Србија се до Хрватска.
Западна Македонија највеќе се тресеше од земјотресот кој ја погоди околината на Драч, односно местото Шијак.
Земјотресот бил на длабочина од 10 километри, а јачината била 6.4 според Рихтер. Вториот земјотрес кој следуваше веднаш, е со јачина од 5.4 степени со ист епицентар на длабочина од 10 километри.
Тетовчани, гостиварци, битолчани, дебарчани, охриѓани и стружани се на улиците и на социјалните мрежи. Скопјани беа во паника, а на улиците низ маалата излегоа и луѓе, а фотографии се споделуваат и на социјалните мрежи.
Во Скопје земјотресот е почувствуван со јачина од 3.5 степени.