Францускиот претседател Емануел Макрон го тужи авторот на постер кој го прикажува како Адолф Хитлер, како дел од кампањата против задолжителната вакцинација за Ковид-19, објави Дејли Мејл.
Постерите се појавија на југот на Франција, на билборди во сопственост на мултимилионерот Мишел-Анге Флорија, познат по тоа што често објавува контроверзни теми на околу 400 билборди што ги поседува во таа област. Постерите го прикажуваат францускиот претседател како Адолф Хитлер, со нацистички кукаст крст на ракавот заменет со буквите LREM, кои ја оззначуваат партијата на Макрон, со порака „Слушај! Вакцинирај се! ‘ наведува Дејли Меил.
Флори за весникот Вар-Матин изјави дека локалната полиција го повикала на разговор поради тужба поднесена од адвокатите на Макрон. „Тие потврдија дека има тужба од Елисејската палата. Бев изненаден и шокиран “, рече Флорија.
Мултимилионерот го спореди неговиот случај со оној на сатиричниот неделник Шарли Ебдо, чии автори беа убиени од терористите на Ал Каеда за време на рацијата во редакцијата, откако во неделникот беше објавен сатиричен цртеж на пророкот Мухамед. Флорија вели дека е нечуено дека муслиманите можат да бидат исмејувани и понижувани благодарение на „Je suis Charlie либерализмот“ и дека слободата на изразување не се однесува на потсмевање на моќните политичари.
„Во Макронленд, прикажувањето на задникот на Пророкот е сатира, а исмевањето на Макрон како диктатор е богохулство“, напиша Флорија на Твитер.