Дизајнерот Јинка Илори трансформираше 18 пешачки премини во Лондон во рамките на Фестивалот на дизајн, користејќи живописни бои. Илори замени црно-бели премини во центарот на Лондон со смели нијанси на сина, портокалова, розова, виолетова и зелена боја, а на дел од нив соработуваше со студенти од Универзитетот за уметности во Лондон.
Проектот насловен „Зближи го Лондон“ има за цел да предизвика весели чувства кај илјадници луѓе кои се движат по градските улици.
„Место да бидат здодевни, пешачките премини можат да бидат точка каде што луѓето можат да искусат уметност. Се надевам дека ќе предизвикаат радост, насмевка и позитива во нивното секојдневие“, вели дизајнерот.