Поглаварот на Римокатоличката црква, Папата Франциско, изутринава пристигна на аеродромот во Скопје со што ја почна историската Апостолска посета на Република Северна Македонија. Тој беше традиционално пречекан со леб и сол, а во делегацијата која го чекаше на скопскиот аеродром беа Претседателот Ѓорге Иванов и премиерот Зоран Заев, вицепремиерот Бујар Османи, шефот на дипломатијата Никола Димитров и скопскиот градоначалник Петре Шилегов.
