На превој Стража паѓа снег и се задржува на коловозот, порталот Порта мк.
Денес управата за хидрометеоролошки работи издаде предупредување дека ќе има повремени врнежи кои на места ќе бидат пообилни и поројни и проследени со ретки грмежи.
Во текот на ноќта се очекува врнежите да преминат во снег и на некои од повисоките места. Ќе дува умерен, повремено засилен ветер од јужен правец. Поради продор на студена воздушна маса утре ќе дува засилен северен ветер, а од изутрина врнежите од дожд ќе преминат во снег и во некои од пониските места. Повремени слаби врнежи од снег се очекуваат и во делови од Скопската котлина. Во западните делови ќе се формира нова снежна покривка.
Во среда и четврток ќе настапи разведрување и утринските температури насекаде ќе се спуштат под нула и ќе бидат во интервал од -9 до -2 степена.
