Хашим Тачи денес на средба во четири очи со Заев во Скопје

Претседателот на Косово Хашим Тачи денес ќе престојува во работна посета на Македонија и ќе има средба со премиерот Зоран Заев.

Владината прес-служба вечерва соопшти дека средбата во Владата ќе биде денес претпладне. Заев и Тачи ќе имаат тет-а-тет средба, по што ќе следува и билатерална средба на делегациите на двете земји.

По завршувањето на средбата ќе следуваат изјави за медиумите на косовскиот претседател и македонскиот премиер.