На официјалната страна на Јавни набавки е објавен јавен оглас од страна на Министерството за одбрана каде стои дека ова министерство планира да набави пиво и вино.
Така во огласот во делот предмет на договорот за јавна набавка стои вино и пиво додека во делот на проценета вредност стои сумата 805.084 денари која претворена во евра изнесува нешто над 13 илјади евра.
Претходно, Шекеринска изврши неколку милионски набавки за морски плодови, апетисани, жестоки пијалоци и торти за кои од министерството немаше јасно објаснување за чии потреби се набавуваат, во услови кога војниците немаат основни услови за работа.
Голем дел од касарните немаат ниту греење, војниците се жалат на немање на превоз до нивните работни места, а храната која се сервира е од конзерви со сомнително потекло.