Во дуелот од второт коло во Групата Д на Европското фидбалско првенство, репрезентацијата на Хрватска во саботата на „Хампден Парк“ во Глазгов одигра без победник 1:1 (0:1) против Чешка, со што по воведниот пораз од Анлија, сепак, се надева дека може да ја мине групната фаза.
Водечкиот погодок за Чешка го постигна Патрик Шик во 37 минута од пеналк кој шпанскиот арбитар Карлос дел Черо Гранде го досуди по интервенција на ВАР-от, поради тоа што Дејан Ловрен во скокот ненамерно со лакт го раскрвари носот на Шик. Израмнувачкиот погодок за Хрватска го постигна Иван Перишиќ во 47 минута, откако од левата страна влезе во противничкиот шеснаесетник и од десетина метри со десната нога го погоди спротивниот агол на чешкиот гол.
По непотполното второ коло Чешка е водечка во групата со 4 бодови, Англија има три со меч помалку, Хрватска е трета со само еден бод, а без бодови е Шкотска, која следната семица игра дома со „Коцкестите“.