Неспособноста на оваа влада излезе на виделина со справување со пандемијата на корона вирусот за последниве седум дена во Република Македонија каде што билансот на заразени е најголем, а најмалку направени тестови и за жал најмногу починати во регионот, велат од ВМРО-ДПМНЕ.
Процент на новозаболени во однос на тестирани случаи во последните 7 дена:
Македонија 4,73 отсто, Бугарија 2,52 отсто, Србија 1,62 отсто, Хрватска 0,21 отсто, Грција 0,14 отсто, Црна Гора 0 отсто.
Најголем процент на заразени. Повеќе од Србија, Бугарија, Грција и Хрватска вкупно.
Според извештаите на заразени на 1 милион жители во регионот за последните 7 дена: Македонија 91, Бугарија 31, Србија 85, Хрватска 4, Грција 4, Црна Гора 0, Албанија 33.
Македонија има и најмногу заболени лица од корона вирус во регионот. Повеќе заболени на 1 милион жители од Грција, Бугарија, Албанија и Хрватска заедно, велат од партијата.
Додаваат дека во Македонија има најмногу починати лица на 1 милион жители во последните 7 дена споредбено со земјите на Балканот: Македонија 8, Бугарија 2, Србија 2, Хрватска, Грција 1, Црна Гора 0, Албанија 1.
Најмногу починати лица. Повеќе починати на 1 милион жители од Србија, Бугарија, Грција и Албанија заедно. Катастрофалната состојба со справување на корона вирусот во Македонија продолжува. Сето ова оди на нечистата совест на Зоран Заев, соопшти партијата.