Лидерот на ВМРО-ДПМНЕ Никола Груевски упати честитки за младите репрезентативци во фудбал до 21 година кои се пласираа на претстојниот Европски мундијал во Полска.
-Денеска Македонија е горда на нивниот успех кој донесе моменти на колективна радост. Покажаа на дело како се сака и придонесува за Македонија, покажаа дека трудот и посветеноста не можат, а да не донесат резултати. Тоа се вистинските херои на денешното време кои ја пишуваат историјата. Создаваат историја и ни даваат пример како да се бориме со поискусни и посилни ривали кога се работи за нашата татковина! Веруваа во себе и во Македонија и успеаа! Само напред!, напиша Груевски.