Шведска поднела барање за пет од шесте вакцини достапни преку механизмот на Европската Унија. Првата вакцина, онаа од „Фајзер“ и БиоНТех“, може да биде одобрена од Европската Унија веќе на крајот на декември.
Швеѓаните најпрво ќе вакцинираат 600.000 луѓе во домовите за стари лица, а потоа и здравствените работници, лицата над 70 години, како и групите со висок ризик.
Прво мора да ги заштитиме најранливите, а потоа да го вакцинираме целото население со цел пандемијата да забави, а потоа и да запре – изјави за Ројтерс шведскиот шеф за јавно здравје, Јохан Карлсон.
Шведска воведе најблаги ограничувачки мерки во Европа, поради што стапката на инфекција и смртност е поголема отколку кај нејзините нордиски соседи, но пониска отколку во неколку европски земји кои се одлучија за целосно затворање.
Голем број од починатите луѓе се од домовите за стари лица, а властите беа критикувани затоа што не ги заштитиле овие објекти.
Карлсон очекува вакцинацијата да почне во првиот квартал од следната година, во зависност од брзината на одобрување и дистрибуција на вакцината.