Шведска денеска ги укина ограничувањата за патниците од Македонија, кои можат официјално да влезат во земјата со негативен тест, како и потврда за вакцинација или доказ дека имаат прележано коронавирус.
Од 24 јуни ќе биде укината забраната за патување за Србија, Албанија, Либан, Македонија, САД, Макао, Хонг Конг и Тајван, соопшти шведската влада.
На патниците им се препорачува секогаш да се консултираат со амбасадата и да бидат целосно информирани за правилата што се применуваат за земјата од каде доаѓаат.
Шведска признава негативен антигенски тест или ПЦР, сертификат за вакцинација или доказ за прележан коронавирус за влез во земјата.