March 29, 2024, 12:42 pm

Шекеринска: Ceгa cмe дeл oд нajмoќнaтa вoeнa и пoлитичкa Aлиjaнсa и cojyзници co нajмoќнитe дpжaви нa cвeтoт

Поврзано

- Advertisement -
- Advertisement -

Епидемијата, поплавите и пожарите не потсетија колку е важно да се продлабочи регионалното заедништво, истакна министерката за одбрана Радмила Шекеринска на денешната церемонија на предавање на претседателството со Процесот на министерска соработка во одбраната во Југоисточна Европа и на одбележувањето на 22-годишнината од формирањето на Бригадата на Југоисточна Европа – SEEBRIG.

На настанот што се одржа во Куманово, а на кој присуствуваат високи претставници од Бугарија, Албанија, Грција, Романија и Турција, министерката Шекеринска порача дека процесот на министерска соработка е одличен форум за регионален дијалог и безбедносна соработка и модел за градење на добри односи меѓу соседите.

Таа им се заблагодари на сите сојузници и пријатели од регионот и пошироко кои, како што рече, несебично ни пружиле помош во справувањето со шумските пожари.

Порача дека по членството во НАТО, како приоритет на земјата останува интеграцијата во ЕУ

– Сега сме дел од најмоќната воена и политичка Алијанса и сојузници со најмоќните држави на светот. Сакам да нагласам дека нема да застанеме тука бидејќи имаме се уште работа на планот на интегрирањето со ЕУ, рече Шекеринска.

Претседавањето со Процесот на министерска соработка во одбраната го презема Бугарија. Досега со овој процес претседаваше Албанија. Како дел од овој процес, на почетокот на ноември во Скопје ќе се одржи министерски состанок на земјите членки, на кој се очекува да бидат реафирмирани политиките на заедништво и солидарност во справувањето со новите закани и предизвици.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This