Москва е загрижена што во различни регони на Авганистан се користат хеликоптери без идентификација на земјата, со кои се превезуваат милитанти и вооружување, се наведува во коментарот на Министерството за надворешни работи на Русија во очи на конференцијата за Авганистан која ќе се одржи на 26. и 27. март во Ташкент
Руското министерство нагласи дека Москва е загрижена поради растот на активности на милитантното движење „Талибан“ кои изведуваат напади во различни делови на Авганистан, како и зголемување на присуството на ИСИС во северните провинции кои се граничат со држави на ЗНД.
„Загриженост предизвикуваат и случаите со користење на хеликоптери без ознаки во различни региони на Авганистан, со цел префрлување на милитанти и вооружување на авганистанското ‘крило’ по западен модел на оваа терористичка група. Сметаме дека изјавите на авганистанските официјални лица кои тоа го потврдуваат бараат сериозна истрага“, се наведува во соопштението на руското МНР.
Министерството истакнува дека ја потврдува желбата за „понатамошен развој на соработката со Авганистан кога е во прашање на борбата против терористичките закани и трговијата со наркотици, во тесна соработка со регионалните партнери.“