Шефот на словенската дипломатија Миро Церар изјави дека Словенија нема да го повлече признавањето на Косово иако постојат „неколку отворени прашања на таа тема“.
Како и повеќето земји членки на Европската Унија, и Словенија го призна Косово уште во 2008 година, додека земјата претседаваше со ЕУ.
Словенскиот пратеник и потпретседател на Словенската национална партија, Јан Ивануш, неодамна изјави дека повлекувањето на признавањето на Косово е реален тек на настаните во Европската Унија и додаде дека новото раководство кое ќе дојде во мај, ќе го преиспита ова прашање.
Иваниш пред два дена во Белград на меѓународната конференција „Косово и Метохија во новата Европа“, истакна дека косовското прашање е важно поради новите струии кои се јавуваат во европската политика.