Стевчо Јакимовски, кандидатот на Гром за градоначалник на општина Карпош, пред малку му ја честиташе победата на Стефан Богоев од СДСМ во Карпош.
– Граѓаните меѓу резултатите и приказните, ги одбраа приказните. Дали направиле вистински избор ќе видиме за 4 години – рече кандидатот за градоначалник на општина Карпош, Стевчо Јакимовски.
Јaкимовски кажа дека не се преброени сите гласачки ливчиња, но секако разликата е голема.
Според него, се случувале чудни работи во Карпош, но сепак, граѓаните, како што додаде, се определиле за „приказните“.