Техничкиот премиер на Бугарија Стефан Јанев денеска на средба во Софија со словенечкиот амбасадор во Бугарија Анжеј Франгеш, ја потврдил бугарската принципиелна поддршка за европската перспектива на Македонија и Албанија, посочувајќи ја неопходноста од поефикасен дијалог и реална волја за решавање на прашањата меѓу Македонија и Бугарија.
Како што јави дописникот на МИА од Софија, акцентот бил ставен врз барањето да бидат исполнети ангажманите во билатералниот договор.
Како што соопшти бугарската владина прес-служба, било истакнато и дека европските партнери на Бугарија заземаат страна, толерирајќи ја Македонија и обвинувајќи ја Бугарија, како што е посочено, без реални аргументирани основи.
Јанев и Франгеш исто така го разговарале за почетокот на словенечкото претседателство со ЕУ, истакнувајќи дека ЕУ треба да биде надежна и сигурна Унија, способна да обезбеди стабилност во нејзиното соседство.
Во тој контекст била истакната клучната улога на трансатлантската соработка и перспективите за развој на државите од Западен Балкан.