Постојат причини за сериозна загриженост во одредени земји-членки на Европска Унија, посебно кога станува збор за независноста на судството, изјави денеска потпретседателката на Комисијата за вредности и транспарентност, Вера Јурова.
Во годишниот извештај на Европска комисија за почитување на владеење на правото посочени се Унгарија, Полска и Словенија.
Во Унгарија и во Полска посебно е загрозена независноста на правосудниот систем. Извештајот на ЕК е објавен една недела откако Европскиот суд за правда пресуди дека начинот за дисциплинирање на судии во Полска е во спротивност со правото на ЕУ.
ЕК покрена правна акција поради кршење на ЛГБТ правата во Унгарија и во Полска.
Унгарија е критикувана поради неадекватни антикорупциски мерки, како и дека плурализмот на медиумите „останува во опасност”.
Лоша положба на медиумите е забележана о во Словенија, каде се регистрирани закани кон новинарите и медиумите.