21-годишен Италијанец запомни бројка од 630 цифри за пет минути и сруши светски рекорд

- Advertisement -

21-годишниот Италијанец Андреа Муци успеа да запомни неверојатна бројка од 630 цифри за само пет минути.

Организаторот на натпреварот „Мемори Екс-Ел“ (Memory XL), проф. Штефан Битов вели дека доколку неговото достигнување е официјално признато, тоа ќе биде светски рекорд.

Младиот Италијанец победи на натпреварот што се одржа во Торгелоу, источна Германија, со рекордни 8594 поени.

На настанот учество зедоа 1.700 луѓе од пет земји. Натпреварувачите требаше да покажат вештини за помнење слики, зборови и една долга низа броеви.