Акционерите во Комерцијална банка бараат од Уставен суд да поведе постапка за оценување на уставноста на одлуката на Централата банка со која се забранува исплата на диведнда до крајот на годината и бараат – одлуката да биде поништена.
Подносителите на иницијативата сметаат дека Советот на НБРМ ги пречекорил своите законски овластувања и затоа одлуката се смета за ништовна.
Во ниту една одредба од Законот за Народната банка не е утврдено овластување на Советот со свој акт да пропише ограничување на распределбата и исплатата на дивидендата на акционерите на банките, стои во соопштението од Комерцијална.
Во реакцијата на Централната банка стои дека со ваквата одлука се штити јавниот интерес, а одлуки да не се исплаќа дивиденда има во сите земји од ЕУ.
