Вонредната состојба во Пекинг се должи на наглото зголемување на бројот на случаи на вирусот Ковид-19 во изминатите неколку дена, а стотици илјади луѓе се тестирани за време на викендот, објавија кинеските медиуми.
Властите во Пекинг, град со повеќе од 21 милион жители, воведоа мерки за спречување на ширење на коронавирусот, кои, меѓу другото, ги ограничуваат јавните активности и патувањата и ја засилуваат контролата.
Најголем број нови случаи се идентификувани во пекиншката област Шуенџи, каде што се спроведува тестирање на население, а нивото на ризик од коронавирус во некои области е зголемено на „средно“.
До недела попладне беа собрани 830.000 примероци за тестирање на Ковид-19 во областа Шуенџи.
Во Кина, првата земја во која е идентификуван Ковид-19, вирусот е под контрола, иако сè уште има нови случаи. Досега во Кина биле заразени 86.976 лица, од кои 4.634 починале како резултат на вирусот, а има активни 339 случаи.
