Смртни закани добивале сите лекари од тимот на Белата куќа за одговорот на пандемијата на Ковид-19 во време на поранешниот претседател Доналд Трамп. Тоа го изјави координаторот на тимот Дебора Брикс за Си-Ен-Ен.
На почетокот на епидемијата имаше извештаи дека водечкиот американски експерт за инфективни болести Ентони Фаучи мораше да ги засили безбедносните мерки поради зголемениот број на смртни закани, а д-р Брикс тврди дека таквите закани ги примиле сите лекари од тимот.
Според неа, некои од заканите беа „Подобро за земјата да си мртов“, „Вие ја водите земјата погрешно“ и „Треба да ти се исече јазикот“.
Брикс додаде дека нејзините ќерки исто така добивале закани и дека бројни пораки содржеле и сексуални алузии. Таа изјави дека заканата ја пријавила на Стејт департментот на почетокот, но дека подоцна немала време да се справи со нив.