Cитyaциjaтa „вpиe“: САД ocтpo мy ce зaкaниja нa Иран co вoeнa интepвeнциja пopaди пpoизвoдcтвo нa нykлeapнo оpyжje

Поврзано

- Advertisement -
- Advertisement -

САД се заканија дека ќе применат воена сила против Иран доколку дипломатијата не успее да го спречи Техеран да произведува нуклеарно оружје, првпат реагирајќи на израелските предупредувања кон Иран.

– Вашингтон смета дека дипломатското решение е најдобриот начин да се спречи Исламската република да стане нуклеарна сила, изјави американскиот државен секретар Ентони Блинкен на заедничката прес-конференција со израелскиот колега Јаир Лапид во Вашингтон.

Тој покажа поголемо нетрпение отколку порано, во момент кога преговорите за спасување на меѓународниот договор за иранската нуклеарна програма потпишан во 2015 година се во прекин од јуни, во очекување Техеран да се врати на преговарачка маса.

– За дијалог се потребни двајца и досега не видовме дека Иран е подготвен да разговара“, изрази жалење државниот секретар, оценувајќи уште еднаш дека „временската рамка“ за враќање во договорот е „се потесна“.

Блинкен одговарајќи на прашањето за евентуална употреба на сила, истакна дека САД „се подготвени да се свртат кон други опции доколку Иран не го промени правецот“ и ќе бидат разгледани сите можни решенија.

– Кога велам „други опции“, мислам дека на сите им е јасно за што станува збор, нагласи американскиот државен секретар.

Шефот на израелската дипломатија Јаир Лапид беше уште појасен во име на еврејската држава, која долго време е против договорот од 2015 година, сметајќи дека е недоволен.

– Државниот секретар Блинкен и јас сме деца на родители кои го преживеаја Холокаустот. Ние знаеме дека постојат моменти кога земјите мора да употребат сила за да го заштитат светот од зло. Израел го задржува правото да дејствува во секое време и на секој можен начин, додаде Лапид.

Министерот за надворешни работи на Израел пристигна во Вашингтон со намера да побара од администрацијата на американскиот претседател Џо Бајден „заменски план Б“ во случај на дипломатски неуспех.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This