Властите на најмногубројната австралиска држава Нов Јужен Велс апелираше денеска до жителите на трите најголеми градови да се тестираат на коронавирус и да останат дома, затоа што постои опасност сиднејскиот кластер да се прошири во целиот регион.
Овие стравувања резултираа со забрана за граѓаните на бројни предградија да присуствуваат на крикет дербито помеѓу Австралија и Индија на 7-ми јануари, а упатен е апел до сите да се тестираат доколку добијат било какви симптоми, пренесува „Ројтерс“.
Откако беа откриени 4 нови случаи на коронавирус, властите веднаш упатија апел бројот на излегување од дома да се сведе на минимум.
Во Австралија од почетокот на пандемијата се регистрирани 28,504 заразени со коронавирус, а како последица на вирусот починаа 909 лица. Оваа земја важи за една од ретките која се чини дека го избегна вториот бран на коронавирусот.
