Поранешната пратеничка и заменик министерка за надворешни работи од редовите на Алијансата за Албанците, Арта Точи синоќа преку објава на Фејсбук кажа дека се повлекува од сите позиции во Алијансата за Албанците, пишува ТетовоСот.
Нејзината оставка следи по игнорирањето на жените во партијата и според неа, за заобиколување на Тетово од Зиадин Села.
Како што Тетова Сот дознава од свои извори, Арта Точи се очекува да се приклучи на Движењето Беса за да ја продолжи својата политичка активност во партијата на Касами. Исто така, се дознава дека таа има многу добри односи со оние кои ја напуштија Алијансата пред месец дена и денес се дел од Беса.
Инаку, Беса очигледно ги намалува структурите на Алијанса за Албанците, примајќи ги кај себе и „заведувајќи ги“ со власта што ја има.
