Обвинителката Вилма Рускоска на прашањето на „Република“ зошто нема обвинение за поранешната министерка за култура Елизабета Канческа-Милеска бидејќи ја има во сите пораки со останатите обвинети за настаните од „27 април“ рече дека за неа немало доволно докази за да се покрене обвинение.
Немаше обвинение за нејзе затоа што немавме докази дека освен ангажирање на уметници и познати личности направила било што конкретно. Освен други докази немавме ништо друго поконкретно. Тие се причините-објасни обвинителката.
Обвинителката Вилма Русковска по денешното рочиште за 27 април даде објаснување зошто на завршните зборови на овој процес кој траеше повеќе од една година решила да направи измени во обвинението.
На јавноста да ѝ биде јасно, не е комплетно изменето обвинението. Има измена само во дејствијата на обвинетите Миле Јанакиески и Спиро Ристовски. Тие измени се направија затоа што произлегоа од главната расправа, односно од одбраната на обвинетите, рече обвинителката Вилма Русковска.
