Комисијата за заразни болести нема да предложи нови рестриктивни мерки до Владата, за спречување на ширењето на корона вирусот. Министерот за здравство, Венко Филипче и утрово објави дека актуелните мерки остануваат на сила.
Влезот во угостителските објекти и трговските центри останува забранет за оние кои немаат примено барем една доза на вакцина како и за сите кои го прележале вирусот пред повеќе од 45 дена.
Од 1 септември почнува да важи и забраната за влез во Македонија за невакцинирани патници без разлика од каде доаѓаат. Македонските државјани кои ќе сакаат да влезат во Македонија по 1 септември, а не се вакцинирани ќе треба да направат ПЦР тест или пак ќе бидат пратени во задолжителна изолација.