Во истрагата за корупција и поткуп против поранешниот австриски канцелар Себастијан Курц, денеска е упасена Забине Бајншаб, истражувач на јавното мислење. Поранешната асистентка на екс-министерка Софи Карманис е обвинета за фалсификување на истражувања во корист на Народната партија на Австрија (ОВП), чиј лидер е Курц, а потоа истото го пласирала и за пари во бесплатни весници.
Весникот „Кронен цајтунг“ пишува дека Бајншаб е уапсена, и таа е клучна личност во аферата за поранешниот австрискли канцелар во врска со лажните анкети на јавното мислење.
Во своето истражување, Курц отсекогаш бил прикажуван особено позитивно, за разлика од неговиот противник во борбата за лидерската функција во ОВП, Рајнхолд Митерленер, кој бил прикажан негативно.
Истражните органи се одлучија за предвремено апсење поради опасност од прикривање на доказите, бидејќи Бајншаб, непосредно пред претресот во нејзиниот стан, го избришала хард дискот од нејзиниот компјутер.