Екипата на iNFOMAX.mk секојдневно присуствуваше на местата погодени од невремето на 6 Август и информирајќи ја јавноста за хуманите активности на Волонтерите, Војската, Полицијата, Црвениот Крст, Политичарите и сите оние чесни и хумани луѓе кои не гледаа сеир туку помагаа и се саможртвуваа, во селото Синѓелиќ сосема случајно налета на Баба Лепа, една од ретките Македонки кои живеат во тоа село и која „случајно“ била одмината од сите хуманитарни организации кои носеле и распределувале хуманитарна помош за поплавените во тој дел
Во краток разговор со репортерот на INFOMAX.mk Борислав Стоилковиќ, Баба Лепа му кажа дека никој не ја посетил и никој не и дал никаква хуманитарна помош, единствено што ја извадиле првите комшии Албанци за да не се удави друга помош немала.
По ваквиот муабет се обративме веднаш во координативниот центар во Стајковци кај одговорните луѓе од АРМ и како и секогаш ВОЈСКАТА за неполни 15 минути организираше комплетна хуманитарна пратка за Баба Лепа и ангажираше возила и војници кои веднаш се упатија во домот на Баба Лепа и ја доставија помошта во Храна, Вода, Млеко, Конзерви, Ќебиња, Душеци и веднаш направија стратегија како да и помогнат околу расчистувањето на куќата и дворот од наносите во поплавата.
АРМ повторно покажа дека е единствената институција која искрено, со сиот капацитет се грижи за секој поединец во Република Македонија.
Хуманитарна помош на Баба Лепа и достави и Правосланата црква Св. Ѓорѓија од Село Синѓелиќ.
