Веќе подолг период, уште откако почнаа преговорите во јавноста најчесто се врти името на Бeким Сали, како наследник на актуелниот министер за здравство Венко Филипче.
Но, кој е Баким Сали, чие име и не е толку познато?
Според информациите на „Фокус“, тој е генерален секретар на Алтернатива и во политичките води влегол пред пет, шест години.
Тој по професија е стоматолoг и има своја приватна ординација и бизнис со текстил. Сали е оженет и татко на три девојчиња.
Тој за време на локалните избори влезе во трка за градоначалник на скопската општина Чаир, како заеднички кандидат на Алтернатива и Алијанса за албанците на Зијадин Села.
Тоа што е уште помалку познато, а го тврдат нашите извори е дека Сали во 2008 година бил шеф на кабинет на тогашниот министер за здравство Бујар Османи, во времето кога ВМРО-ДПМНЕ и ДУИ беа коалициони партнери.
Лидерот на СДСМ, Заев и лидерот на Алтернатива, Гаши вчера и официјално го потпишаа влегувањето на Алтернатива во Влада. Како што кажа Заев, тие се согласиле партијата да биде дел од владата до 2024 година, а може и понатаму, односно додека не се случат редовните парламентарни избори.
Извор: Фокус