Холандските цариници заплениле три тони кокаин, скриен во буриња со пире од банани, соопштија денеска властите. Ова е еден од најголемите удари против трговијата со дрога во Европа.
Дрогата се наоѓала во контејнер, испратен од Еквадор и наменет за Базел, Швајцарија. Пратката е пронајдена на пристаништето во Ротердам за време на рутинска проверка.
„Кокаинот, кој чини околу 225 милиони евра на црниот пазар, е еден од најголемите удари против нарко мафијата во огромното пристаниште. Дрогата е уништена“ се наведува во соопштението на обвинителството.
Холандија стана главен канал за наркотици, особено на кокаин, кон Европа, главно преку Ротердам, најголемото европско пристаниште.
Холандските власти соопштија дека тие и меѓународните полициски сили оваа година заплениле 50 тони кокаин, кој минувал низ Холандија