Во последните 24 часа во Босна и Херцеговина детектирани се 1.555 лица позитивни на коронавирусот од вкупно 3.158 тестирани, што значи дека секое второ лице е заразено. Во последното деноноќие пријавени се и 21 смртен случај.
Тоа е најголем број на новозаразени за еден ден досега, пренесува порталот Klix.
Бројот на новоинфицирани е двојно зголемен во споредба со претходниот ден, кога беа регистрирани 703 позитивни случаи.
Од вкупниот број нови потврдени случаи, во Федерацијата Босна и Херцеговина се регистрирани 909 лица од 1.720 тестирани примероци и 15 смртни случаи. Во Република Српска има 625 позитивни случаи и петмина починати. Во Република Српска за 24 часа се тестирани 1.417 лица.