December 6, 2022, 12:05 pm

Kpизата силно ја погoди Евpoпа: Инфлациjата во ЕУ и Eврозоната во ноември пораснала на рекордно ниво

Поврзано

- Advertisement -
- Advertisement -

Годишната стапка на инфлација во ЕУ и во еврозоната во ноември повторно нагло пораснала, достигнувајќи рекордни нивоа, поддржана од растот на цените на енергенсите.

Извештај на Европската статистичка служба – Евростат, покажува дека годишната стапка на инфлација во ЕУ, мерена преку хармонизираниот индекс на потрошувачките цени, скокнала на рекордни 5,2 отсто во ноември, од 4,4 отсто во октомври. Растот на потрошувачките цени, исто така, нагло забрзал во Еврозоната, на 4,9 отсто, достигнувајќи го највисокото ниво откако се собираат податоците.

Во октомври цените пораснале за 4,1 отсто. Во ноември минатата година цените во ЕУ пораснаа за 0,2 отсто, додека во еврозоната паднаа за 0,3 отсто. Рекордната стапка на инфлација во голема мера го одразува скокот на цените на енергенсите, за дури 27,5 отсто во областа на примената на заедничката европска валута, покажуваат податоците на Европскиот завод за статистика.

На инфлацијата значително влијаеше и скокот на цените од шест отсто во Германија, најголемата европска економија, делумно како одраз на нискиот репер во 2020 година кога владата привремено ја намали стапката на ДДВ во втората половина од годината за да ги поддржи трошоците за кризата со коронавирусот.

Годишната инфлација забрза во 26 земји-членки, а само во Чешка остана стабилна на 4,8 отсто, се вели во извештајот. Убедливо највисока годишна стапка на инфлација повторно имаше во Литванија во ноември, достигнувајќи 9,3 отсто. Најблиску до неа повторно беа Естонија и Унгарија, каде цените пораснаа за 8,6, односно 7,5 отсто. Цените минатиот месец беа најслабо пораснати во Малта со 2,4 отсто и во Португалија за 2,6 отсто, а потоа во Франција со стапка на инфлација од 3,4 отсто.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This