Доколку утре би се одржале избори, ВМРО-ДПМНЕ би имало стабилна и сериозна предност пред владејачката СДСМ, вели во вечерашното гостување во емисијата „360 Степени“ лидерот на опозициската партија, Христијан Мицкоски. Како што рече тој, за победа би сметале освојување на повеќе градоначалници или советнички места.
„Се знае што е победа, под победа се подразбира повеќе гласови од СДСМ. Да имаме градоначалник повеќе, да имаме повеќе гласови на советничките листи. Се знае што е победа, ние не можеме тоа да го релативизираме“, рече Мицкоски коментирајќи дека не би бил изненаден доколку власта се обиде да ги пролонгира престојните локални избори за да ја спушти гласачката енергија која, според Мицкоски, во моментов е на страната на ВМРО-ДПМНЕ.