Почнувајќи од вчера, матичните лекари во Свети Николе можат да закажуваат мој термин за тестирање од Ковид 19 на нашите сограѓани како посебна графа во термин за тестирање само за граѓаните на Свети Николе, соопшти градоначалникот Сашо Велковски.
Тој вели дека засега можат да се закажуваат 12 термини на ден, а доколку има потреба ќе овозможат поголем број на термини за закажување и тестирање.
– Наскоро преку Здравствениот дом „Г. Гаврилски” ќе обезбедиме и брзи тестови за Ковид-19. Уште еднаш апелирам на нашите сограѓани да се придржуваат на мерките и протоколите за заштита од Ковид-19, вели Велковски.