Во текот на вчерашниот ден околу 14.50 часот на крстосница од ул.„Отокар Кершовани“ и сервисна улица која ги поврзува бул.„Крсте Мисирков“ со бул.„Никола Карев“ се случила сообраќајна незгода помеѓу патничко возило „Фолскваген Голф“ со скопски регистарски ознаки, управувано од Х.А.(48) од с.Никиштани, скопско и мопед со скопски регистарски ознаки, управуван од Н.Р.(33) од Скопје, информираат од МВР.
Во незгодата со тешки телесни повреди се здобил Н.Р., кој со возило на Итна медицинска помош бил пренесен во Градска општа болница „Св.Наум Охридски“ каде му била укажана лекарска помош и бил задржан на понатамошно лекување. Увид на местото на настанот извршила екипа од СВР Скопје.