Почна второто полугодие од учебната година, но проблемите на учениците, настаниците и родителите останаа. Повторно проблеми со Националната платформа, немањето ИТ-уреди за следење настава, немање учебници и уште други проблеми.
Иако овие проблеми се уште од самиот старт на учебната година, сепак министерката за образование и наука Мила Царовска како во првото полугодие, сега и во второто нема никаков план и стартегија како да ги реши.
-Вчера започна второто полугодие од учебната година, а уште на самиот старт се појавија проблеми со платформата каде учениците ја следат наставата. Некој од наставниците им посочи дека можно е ова полугодие да се гледаат почесто со физичко присуство.Уште на самиот прв ден од ова полугодиие повторно се става прашањето како може да се најавува физичко присуство и како јас да знам дека здравјето на мое дете ќе биде заштитено, ни раскажа згрижен родител.
За оваа проблематика уште вчера реагираа и од ВМРО-ДПМНЕ каде посочија дека пробелмието со образовниот процес продолжуваат и понатаму.
Учениците, професорите и родителите повторно ќе се соочуваат со истите проблеми, ќе се жалат меѓу себе, ќе си бараат помош, ќе се мачат, а времето ќе врви како и во претходното полугодие. Наставниците повторно ќе се снаоѓаат со сопствени лаптопи, со прекините на интернетот, со притисокот да пишуваат оценки, директорите со пишување нереални извештаи за текот на наставата, а и за заразените од КОВИД-19, родителите со сѐ ова и со трошење на огромен дел од своето време за напредок на сопственото дете.
Учебници нема да има ниту во второто полугодие, особено за средните стручни училишта. Националната платформа за далечинско учење воопшто не профункционира, а наставниците повторно нема да добијат навремена професионална обука. Над 10.000 ученици повторно ќе следат опциона настава, односно настава на телевизија и со печатени материјали и притоа за нивниот напредок не е можна реална контрола на постигнувањата, се вели во соопштението на ВМРО-ДПМНЕ.
По сето ова се поставува прашањето како покрај сите овие проблеми министерката Царовска се фали дека настава се одвива успешно.
