Албанскиот премиер Еди Рама смета дека Косово треба позитивно да одговори на сместувањето на Авганистанци, доколку тоа го побара САД, а потврди дека Албанија ќе го стори тоа.
-Не знам дали Американците побарале од Косово да ги тргне Авганистанците кои биле изложени како пријатели или соработници на сојузничките војски. Ако е така, тогаш би сакал Косово да одговори позитивно, напиша Рама на својот фејсбук профил.
Тој вели и на самитот на НАТО изразил загриженост за животот на авганистанските соработници, по повлекувањето на алијансата од Авганистан.
Последните денови во некои албански медиуми кружи веста дека САД побарале од Албанија и Косово привремено да сместат Авганистанци кои бегаат од теророт во својата земја.
Поранешната амбасадорка на Косово во САД, Вјора Читаку, вели дека Косово мора да покаже великодушност и да прифати одреден број избеглици од Авганистан.
Читаку на фејсбук напиша дека на граѓаните на Косово им е познато чувството на беспомошност кога некој насилно ќе биде исфрлен од домот, како и болката и неизвесноста кога безволно се одвојуваш од се што знаеш и сакаш.
