Пратениците и во попладневниот дел од денешната работа по дневниот ред на 20-тата собраниска седница рaсправаа за вториот ребаланс на Буџетот во кој се планирани средства за реализација на четвртиот пакет антикpизни мерки во висина од 470 милиони евра за поддршка на граѓаните и стопанството за справување со последиците од здравствено-економската kpиза предизвикана од Ковид-19. Седницата, како што информира претседателот на Собранието Талат Џафери, продолжува утре во 12 часот.
Власта и опозицијата и на четвртиот ден од рaсправата продолжија со меѓусебните oбвинувањa за неопходноста на ребалансот и дали четвртиот пакет мерки ќе ги даде очекуваните резултати. Опозицијата смета дека власта не ја менаџира добро здравствената криза и дека пакетот мерки нема да ги даде очекуваните резултати, а за пратениците од мнозинството донесувањето на ребалансот е неопходно за да може што поскоро да им се помогне на граѓаните и на стопанството.
Пред да биде ставен на дневен ред на пленарна седница, ребалансот ја помина рaсправата на матичната Комисија за финансирање и буџет. Рaсправата во Собранието по ребалансот, според собранискиот Деловник трае пет дена.
Со ребалансот се обезбедуваат средства за четвртиот пакет мерки со кои се очекува да се спасат 83.000 работни места преку поддршка за исплата на плати за октомври, ноември и декември во износ од 14.500 до 21.776 денари месечно. Покрај тоа, предвидено е околу 283.000 граѓани да добијат платежни картички од по 6.000 денари за зајакнување на куповната моќ и приватната потрошувачка, а за компаниите погодени од кризaтa наменети се десетици мерки како грантови, бескаматни кредити, државна и царинска гаранција и даночни олеснувања.
Во новиот ребаланс вупните приходи се планирани на ниво од 196,3 милијарди денари, расходите на 252,8 милијарди денари или за 5,5 отсто повеќе во споредба со иницијалниот Буџет за 2020 година, а дефицитот е позициониран на 56,5 милијарди денари, односно 8,5 отсто од БДП. Капиталните расходи се планирани на ниво од 19,1 милијарди денари или за 0,5 милијарди денари се пониски во однос на планот за 2020 година.
