И покрај најавеното примирје, Израел и Хамас продолжија во ракетните напади.
Премиерот Бенјамин Нетанјаху свика итен состанок на неговиот Кабинет за безбедност, каде се очекуваше да се расправа за прашањето за прекин на огнот.
Египетски официјален претставник рече дека Израел ја известил египетската влада, која посредува при примирје, дека има намера да ги прекине своите воени операции во Газа. Изворот бараше да остане анонимен, бидејќи разговараше за задкулисната дипломатија, но тој рече дека се очекува објава по состанокот на Кабинетот за безбедност.