На регионалниот пат Велес-село Извор вчера се случила тешка сообраќајна незгода во која биле повредени шест лица.
Во сообраќајката учествувале патничко возило „фолксваген голф“, со велешки регистарски ознаки, управувано од А.М. (31) од Велес и товарно возило „мерцедес“, без регистарски ознаки, управувано од Р.К. (60) од село Баница, струмичко.
Тешки телесни повреди добил возачот А.М. и негова малолетна сопатничка од село Горно Оризари, а со телесни повреди во велешката болница завршиле А.Д. (38), Н.Д. (38), С.К. (30) и малолетен сопатник, сите од Горно Оризари, сопатници во патничкото возило.
Увид на местото извршила увидна екипа на СВР Велес.